Kryetarja e Alternativës, Mimoza Kusari-Lila ka marr pjesë në hapjen e muajit të ndërgjegjësimit në kuadër të Tetorit Rozë.

Kusari-Lila përmes një postimi në Facebook ka bërë të ditur se në hapje të këtij muaji kanë marr pjesë përfaqësues shtetëror, profesionistë shëndetësorë, përfaqësuese të shoqërisë civile, gra që e kanë fituar betejën me kancerin, media dhe mbështetës të shumtë

“Tetori Rozë është rikujtim i fuqishëm për vlerën e jetës dhe domosdoshmërinë e kujdesit ndaj shëndetit tonë. Ky muaj na fton të ndalemi, të reflektojmë dhe të veprojmë – sepse parandalimi dhe kontrolli i hershëm janë arma më e fortë kundër kancerit të gjirit”, ka shkruar Kusari-Lila.

“Sot, së bashku me përfaqësues shtetëror, profesionistë shëndetësorë, përfaqësuese të shoqërisë civile, gra që e kanë fituar betejën me kancerin, media dhe mbështetës të shumtë, shënuam hapjen e këtij muaji të ndërgjegjësimit”, tha tutje ajo.

Ndër të tjera Kusari-Lila potencoi se aktivitetet që do të zhvillohen përgjatë tetorit synojnë ta sjellin kontrollin sa më afër çdo gruaje dhe vajze, në mënyrë që askush të mos mbetet pa mundësinë e një kontrolli të hershëm e efektiv.

“Le ta kthejmë këtë muaj në një thirrje për guxim, solidaritet dhe kujdes ndaj vetes e njëra-tjetrës. Një kontroll i thjeshtë shpëton jetë, bëje edhe ti, për veten, për jetën”, tha Kusari-Lila./Arbresh.info